अन्जान परियार । भिमाद, असार १८
भिमाद नगरपालिका वडा नम्बर ६ स्थित साझा लाइनमा निःशुल्क शुद्ध खानेपानी फिल्टर राखिएको छ । भिमाद खानेपानी तथा उपभोक्ता सरसफाई समितिको पहलमा गत असार ८ गते देखि उक्त फिल्टर प्रयोगमा ल्याईएको हो ।
समितिका सदस्य सूर्य विश्वकर्माको संयोजकत्वमा राखिएको फिल्टरको लागत १ लाख ७० हजार परेको छ भने यसको क्षमता ९४ लिटर रहेको छ । आधुनिक किसिमको उक्त फिल्टर खानेपानी कार्यालय नजिकै राखिएको छ ।
खानेपानी कार्यालयका कर्मचारी विक्रम लम्सालले सेवाग्राही तथा भिमाद क्षेत्रमा आउने सर्वसाधारणहरूले फिल्टर बाट जाडोमा नर्मल र गर्मीमा चिसो पानी निःशुल्क रूपमा पिउन सकिने बताए । लम्सालले भने अब कसैले पसलमा गएर बोतलको पानी किनेर खानु पर्दैन, फिल्टरबाट आवश्यक परेमा एक–दुई बोतल पानी बोकेर लैजान पनि मिल्ने व्यवस्था गरिएको छ ।
