तनहुँ । असार १९
घिरिङ गाउँपालिकाले एसइई परिक्षामा उत्कृष्ट नतिजा निकाल्न सफल शिक्षक तथा विद्यार्थीहरुलाई नगद पुरस्कार सहित सम्मान गरेको छ ।
गाउँपालिकाको कार्यालयमा विहिबार आयोजित कार्यक्रममा गाउँपालिकाका अध्यक्ष होमबहादुर थापा, उपाध्यक्ष राधादेवी अधिकारी, प्रमुख प्रशासकीय अधिकृत कृष्णप्रसाद ढकाल, शिक्षा शाखाका अधिकृत कृष्णप्रसाद सुवेदी लगायतले शिक्षकहरुलाई सम्मान गरेका थिए ।
उक्त अवसरमा घिरिङ गाउँपालिकाका सामुदायिक विद्यालय मध्ये सबैभन्दा राम्रो नतिजा ल्याउने चन्द्रज्योती माविका प्रअलाई नगद १५ हजार तथा दोश्रो स्थानमा रहेको कामधेनु माविका प्रअ बलबहादुर आलेलाई नगद १२ हजार रुपैयाँ सहित सम्मान गरिएको थियो । शिक्षक तर्फ भने सबैभन्दा राम्रो नतिजा ल्याउने सरस्वती माविका विद्यार्थी सुमित रानालाई नगद १० हजारले प्रदान गरिएको थियो ।
उक्त अवसरमा कृष्ण माविकी विद्यार्थी सृष्टि सुनारलाई ८ हजार, कामधेनु माविकी विद्यार्थी श्रीमाया थापालाई ६ हजार, चन्द्रज्योती माविका शिक्षक जनक सिग्देल, महाकाली रानाभाट, जिवनप्रसाद भट्ट, सोमराज सिग्देल, शिशिर शर्मा र सचिना बसेललाई जनही ५ हजार तथा सोही विद्यालयकी विद्यार्थी प्रेमकुमारी थापालाई ४ हजार रुपैयाँ उपलब्ध गराईएको थियो ।
त्यसैगरि कृष्ण माविका दयाराज भण्डारी, राष्ट्रिय माविका सागर थापा र मिनाकुमारी श्रेष्ठ, कामधेनु माविकी बिही थापा, लक्ष्मण कामी र पुर्षाेत्तम थापालाई ५ हजार, कृष्ण माविकी दुर्गा कोईराला र खिमकर्ण ढकाल, चन्द्रज्योती माविका जनक सिग्देल र प्रेमबहादुर थापा, दिपक माविका तारानाथ पोखरेल, देवेन्द्र कुमार कार्की, कमल नेपाली र गमबहादुर परियारलाई जनही २ हजार रुपैयाँको दरले सम्मान गरिएको थियो ।
उक्त कार्यक्रममा बोल्दै गाउँपालिकाका अध्यक्ष होमबहादुर थापाले अहिलेको भन्दा उत्कृष्ट नतिजा निकाल्न शिक्षकहरुलाई अनुरोध गरे । गाउँपालिकाले आफ्नो क्षमता अनुसार शिक्षामा लगानी गरेको भन्दै उत्कृष्ट काम गर्ने शिक्षकहरुलाई सम्मान गर्दै जाने बताए । सोही अवसरमा उत्कृष्ट नतिजा ल्याउने विद्यार्थीहरुलाई पनि सम्मान गरिएको थियो ।
