तनहुँ । साउन ६
भिमाद नपा–१ डुम्रीबेशी स्थित कुलुङ्गखोलामा म्याद सकिनु १३ महिना अघि नै पक्की पुल निर्माण सम्पन्न भएको छ । २०८१ असोज तेश्रो सातामा २ वर्षको म्याद सहित निर्माण थालिएको उक्त पुल २०८२ साउन पहिलो साता निर्माण कार्य पुरा भएको हो । सम्झौता अनुसार उक्त पुलको निर्माण अवधि २०८३ असार दोश्रो साता सम्म रहेको थियो ।
गन्डकी प्रदेश सरकारको ७ करोड ७३ लाख ६४ हजारको लागतमा ७४ दशमलव २० मिटर लम्बाईको उक्त पुल ज्वालामुखी कन्ट्रक्सन धादिङले निर्माण गरेको हो । भिमाददेखी पाल्पाको रामपुर जोड्ने भिमकाली मार्गमा पर्ने उक्त डुम्रीबेशी खोलामा मोटरेवल पुल निर्माण भएपछि स्थानीय बासिन्दा तथा सवारी चालकहरुलाई निकै सुविधा पुग्ने भिमाद नपा वडा नम्बर १ का वडा सदस्य दयाराम श्रेष्ठले बताए ।
२५ वर्ष अघि नै भिमकाली मार्गको ट्रयाक खनिएको भएपनि पुल भने अहिले मात्र बनेको हो । पुर्वाधार विकास कार्यालय तनहुँका प्रमुख रविन्द्र कडेलले प्रदेश सरकारको आर्थिक सहयोगमा निर्माण गरिएको उक्त पुल निर्माण सम्झौता अविधि अघि नै निर्माण कार्य पुरा भएको बताए ।
