तनहुँ । साउन १३
म्याग्दे गाउँपालिकाको टोलीले थर्पु आधारभुत अस्पतालमा थप स्वास्थ्य सेवा प्रवाहको लागि सहयोग गर्न स्वास्थ्यमन्त्री प्रदिप पौडेलसँग अनुरोध गरेको छ ।
गाउँपालिकाका अध्यक्ष श्रीप्रसाद श्रेष्ठको नेतृत्वमा मंगलबार गएको टोलीले स्वास्थ्य मन्त्रालयमा मन्त्री प्रदिप पौडेललाई भेट गरि थर्पु अस्पतालमा थप स्वास्थ्य सेवा प्रवाहको लागि सहयोग गर्न अनुरोध गरेको हो । उक्त क्रममा मन्त्री पौडेलले आफ्नो तर्फबाट सक्दो सहयोग गर्ने प्रतिबद्धता जनाउनु भएको गाउँपालिकाका प्रमुख प्रशासकीय अधिकृत नारयणप्रसाद अधिकारीले जानकारी दिए ।
उक्त भेटमा गाउँपालिकाका उपाध्यक्ष बालकृष्ण घिमिरे, प्रमुख प्रशासकीय अधिकृत नारायणप्रसाद अधिकारी, स्वास्थ्य शाखाका प्रमुख तिलकराज घिमिरे र थर्पु आधारभुत अस्पतालकी जनस्वास्थ्य निरिक्षक सक्षम घिमिरेको सहभागिता रहेको थियो ।
