तनहुँ । भदौ ३
व्यास नगरपालिका र शुक्लागन्डकी नगरपालिकाका प्रमुख प्रशासकीय अधिकृत फेरिएका छन् । संघीय मामिला मन्त्रालयले सोमबार प्रकाशित गरेको सुचना अनुसार तनहुँका उक्त दुई नगरपालिकाका प्रमुख प्रशासकीय अधिकृत फेरिएका हुन् ।
मन्त्रालयका अनुसार व्यास नगरपालिकाका प्रमुख प्रशासकीय अधिकृत काशिराम गैह्रेको संघीय मामिला तथा सामान्य प्रशासन मन्त्रालय (अतिरिक्त) मा सरुवा भएको छ । व्यासमा चितवनको रत्ननगर नगरपालिकाबाट सुकदेव लम्सालको सरुवा भएको छ ।
त्यसैगरि शुक्लागन्डकी नगरपालिकाका प्रमुख प्रशासकीय अधिकृत रामचन्द्र लामगादेको नवलपुरको गैंडाकोट नगरपालिकाका सरुवा भएको छ । शुक्लागन्डकीमा भने चाँडै नै नयाँ प्रमुख प्रशासकीय अधिकृतको सरुवा हुने मन्त्रालयले जनाएको छ ।
