दमौली । भदौ ५
आदिकवि भानुभक्त क्याम्पसका बिबिए चौथो सेमेस्टरमा अध्ययनरत विद्यार्थी र प्राध्यापक समेतको भ्रमण टोलीले बुधबार बिहान राष्ट्रपति कार्यालय, शीतल निवास काठमाडौँमा राष्ट्रपति रामचन्द्र पौडेलसँग भेटघाट गरेका छन ।
विविएको पाठ्यक्रम अन्तर्गत नेपालको राजनीतिक, सामाजिक र शैक्षिक अध्ययनका लागी उनीहरूलाई राष्ट्रपति कार्यालय शीतल निवासले राष्ट्रपतिसँग भेटघाट गर्ने अवसर मिलाएको थियो ।
भेटघाटमा क्याम्पसको तर्फबाट सहायक प्राध्यापक विष्णु हडखलेको नेतृत्वमा राष्ट्रपति कार्यालय गएको क्याम्पसको स्थलगत अध्ययन टोलीले राष्ट्रपतिसँग नेपालको संविधान र राष्ट्रपतिको काम कर्तव्य का बारेमा राखेका जिज्ञासाहरूलाई राष्ट्रपति पौडेलले प्रष्ट पारेका थिए ।
