तनहुँ । भदौ ५
महिलाहरूको महान् पर्व हरितालिका तीजको अवसरमा ऋषिङ गाउँपालिकाको आयोजनामा यही भदौ ८ गते आइतबार ऋषिङ गाउँपालिका वडा स्तरीय खुल्ला तीज गीत प्रतियोगिता हुने भएको छ । उक्त ऋषिङ–६ ढुङगाडे पार्क बिहान १० बजेबाटसुरू हुने गाउँपालिकाले जनाएको छ । उक्त प्रतियोगिताको संघीय मामिला तथा सामान्य प्रशासन मन्त्री भगवती न्यौपानेले उद्घाटन गर्ने भएकी छिन् ।
प्रतियोगितामा प्रथम पुरस्कार २० हजार र प्रमाणपत्र, द्धितीय पुरस्कार १५ हजार र तृतीय पुरस्कार १० हजार र सहभागी पुरस्कार ४ हजार र प्रमाणपत्र दिईने गाउँपालिकाले जनाएको छ ।
‘ऋषिङमा विकासको पुर्व र वर्तमान अवस्थाको, संघियतामा महिलाको भुमिका’ शिर्षकमा प्रतियोगिता हुन लागेको ऋषिङ गाउँपालिका अध्यक्ष राजेन्द्रकृष्ण श्रेष्ठले बताए ।
प्रतियोगितामा सहभागी हुनका लागि टिम दर्ता भदौ ७ गते कार्यालय समय भित्र टिम दर्ता गर्नु पर्ने र एउटा समुहमा १० जना सहभागी गर्ने पाउने श्रेष्ठ जानकारी दिए । प्रतियोगीतामा एक समुहले बढीमा १० मिनेटको समय पाउने, बाद्यबादनमा महिला हुनुपर्नेछ ।
