तनहुँ । मंसिर ८
व्यास नपा–१४ छाब्दीका युवा अभियन्ता अविनास पन्थले व्यास नपा–१३ स्थित गुँदी फच्याङ आधारभुत विद्यालयका विद्यार्थीलाई स्वेटर र जुत्ता वितरण गरेका छन् । साथै उनले सोही वडाको बेनीमित्र प्राविका विद्यार्थीलाई स्वेटर र जुत्ता वितरण गरेका छन् ।
पन्थले सोमबार गुँदी फच्याङ आधारभुत विद्यालयका १५ जना विद्यार्थीलाई एक/एक वटा न्यानो स्वेटर तथा सोही वडाको बेनी मित्र प्राथमिक विद्यालयका विद्यार्थीलाई स्वेटर र जुत्ता वितरण गरेका हुन् ।
युवा अभियन्ताको पहिचान बनाएका पन्थले गत तिहारमा खेलिएको देउसी–भैलोबाट संकलित रकम तथा मनकारी व्यक्तिहरुले प्रदान गरेको रकम मार्फत विद्यार्थीहरुलाई न्यानो कपडा वितरण गरेका हुन् । पन्थले यस अघि पनि विभिन्न विद्यालयमा न्यानो कपडा र स्टेशनरी सामाग्री वितरण गरेका थिए ।
