तनहुँ । मंसिर १०
तनहुँमा अबैध लागु औषध सहित दुई जनालाई प्रहरीले नियन्त्रणमा लिएको छ । बुधबार बिहान ४ः५० बजेको समयमा आबुखैरेनी गापा–४ बेनिटार स्थित पृथ्विराजमार्ग सडक खन्डमा रहेको अस्थायी प्रहरी पोस्ट मुग्लिङ पुलजिपको चेकिङ टोलिले सवारी साधन तथा मानिसहरु चेक जाँच गर्ने क्रममा काठमाण्डौबाट लम्जुङतर्फ आउदै गरेको बा.प्र.०३.००१ ख.१६८३ नम्बरको बसमा सवार लम्जुङ मस्र्याङ्दी गापा–८ बस्ने बर्ष ३१ को सन्तोष गुरुङ्ले रातो जेब्रा झोला भित्र लुकाई छिपाई ल्याएको लागु औषध ट्रामाडोल ९४पत्ता (९४० क्याप्सुल) सहित निज सन्तोष गुरुङलाई नियन्त्रणमा लिएको थियो । सो घटनाको अनुसन्धान भईरहेको प्रहरीले जनाएको छ ।
यसैगरि मंगलबार साँझ आँबुखैरेनी गाउँपालिका–४ बेनिटार स्थित पृथ्वी राजमार्गमा अस्थायी प्रहरी पोष्ट मुग्लिङ पुलजिपको चेकिङ टोलिले सवारी साधन तथा मानिसहरु चेकजाँच गर्ने क्रममा काठमाण्डौ देखी पोखरा तर्फ आउदै गरेको ग.२ ख.१७७३ नम्बरको माईक्रो बसमा सवार जिल्ला धादिङ गजुरी गापा–४ बस्ने बर्ष १९ को श्रीलाल तामाङले बोकी ल्याएको जेब्रा झोला भित्र लुकाई छिपाई ल्याएको अवस्थामा २०० ग्राम लागू औषध (चरेस) फेला परी तामाङलाई नियन्त्रणमा लिएको प्रहरीले जनाएको छ । उक्त घटनाको अनुसन्धान भईरहेको प्रहरीले जनाएको छ ।
