तनहुँ । पुस १७
व्यास नगरपालिका वडा नम्बर १२ का २३ बर्षीय सुमन भुजेलमाथी सांघातिक आक्रमण गरेको आरोपमा प्रहरीले स्थानीय दुई जना युवाहरुलाई पक्राउ गरेको छ । पक्राउ पर्नेमा ४३ वर्षीय देवबहादुर पाण्डे र ३० वर्षीय रन्जन पाण्डे रहेका छन् ।
पुस १६ गते बुधबार राति पाण्डेद्वयले समुनमाथी धारिलो हतियारले आक्रमण गरि गम्भिर घाइते बनाई ज्यान मार्ने प्रयास गरेका थिए । आक्रमण गर्ने पाण्डेद्वयलाई प्रहरीले बुधबार राती नै पक्राउ ग¥यो ।
उनीहरुलाई विहिबार जिल्ला अदालतबाट ज्यान मार्ने उद्योग अन्तर्गत म्याद थप गरि अनुसन्धानकोलागि हिरासमा राखिएको जिल्ला प्रहरी कार्यालय तनहुँका डिएसपी श्रवणकुमार विकले जानकारी दिए ।
‘आक्रमणमा संलग्नलाई अदालतबाट म्याद थप गरी घटनाको विषयमा विस्तृत अनुसन्धान भइरहेको छ ’ डिएसपी विकले भने ‘कानुन बमोजिम कारबाही प्रक्रिया अघि बढाइनेछ ।’ घाइते सुमनको काठमाडौंमा उपचार भईरहेको छ ।
