तनहुँ । माघ २७
नेपाली क्रिकेटका पूर्व कप्तान ज्ञानेन्द्र मल्लले दमौली स्थित व्यास गुफालाई धार्मिक पर्यटनको शिर्ष गन्तव्य बनाउन सकिने बताएका छन् ।
मंगलबार बिहान व्यास गुफा परिसरमा बसेर ध्यान गर्र्दै गरेको फोटो राख्दै मल्लले भने ‘यो पवित्र स्थान विश्वस्तरीय पर्यटकीय पूर्वाधार र प्रविधिमैत्री प्रचारले सजाउन सके, यसले नेपालको धार्मिक पर्यटनलाई शीर्ष गन्तव्य बनाउने सामथ्र्य राख्दछ ।’
दमौलीलाई आफ्नो मामाघर भन्दै मल्लले व्यास गुफालाई संसारलाई चार वेद र १८ पुराणको दिव्य प्रकाश दिने तपोभूमि भनेका छन् । मल्ल राष्ट्रिय स्वतन्त्र पार्टीबाट प्रतिनिधि सभाको निर्वाचनमा समानुपातिक उम्मेदवारको सुचीमा छन् ।
