तनहुँ । फागुन ४
आगामी फागुन २१ गते हुने प्रतिनिधि सभाको निर्वाचनको लागि उम्मेदवारी दिएका उम्मेदवारहरुले सोमबारबाट औपचारिक रुपमा प्रचार प्रसार गर्न पाएका छन् । निर्वाचन कार्यक्रम अनुसार सोमबारबाट उम्मेदवारहरुले प्रचार प्रसार गर्न पाएका हुन् ।
यस अघि उम्मेदवारहरुले अनौपचारिक रुपमा घरदैलो, निर्वाचनको सम्पर्क कार्यालय स्थपाना, कार्यकर्ता भेटघाट लगायतको कार्यक्रम गरेपनि सोमबारबाट भने औपचारिक रुपमा चुनाव चिन्ह सहित प्रचार प्रसार गर्न पाउने छन् ।
यसैविच राष्ट्रिय स्वतन्त्र पार्टीले सोमबार दमौली र आबुँखैरेनीमा र्याली निकालेका छन् । दमौलीमा बिहान र आबुँखैरेनीमा दिउँसो चुनावी र्याली निकालेका हुन् । उम्मेदवार डा.स्वर्णिम वाग्ले सहित रास्वपा कार्यकर्ताले चुनावी र्याली निकालेका हुन् ।
