तनहुँ । फागुन ९
नेकपा एमाले तनहुँ क्षेत्र नम्बर १ की उम्मेदवार भगवती न्यौपानेको चुनावी अभियानमा सघाउन नेकपा एमालेकी केन्द्रीय सचिव पद्मा अर्याल तनहुँ आएकी छिन् । अर्याल शनिबार दिनभर भानु नपाको विभिन्न स्थानमा आयोजित कार्यक्रममा सहभागी भईन् ।
अर्यालले शनिबार बिहानै दमौलीमा उम्मेदवार न्यौपानेलाई बिजयीको शुभकामना दिँदै चुनावी अभियानको लागि भानु नगरपालिका तर्फ गईन् । भानु नपा–९ को पुर्काेटमा आयोजित महिला भेलालाई सम्बोधन गर्दै अर्यालले भगवतीको जित नै तनहुँको हित हुने बताईन् । सचिव अर्यालले भगवती न्यौपाने तनहुँको समृद्धी र सुशासनको पर्याय भएको भन्दै सबै महिलाहरुले भगवतीलाई जसरी पनि जिताउने संकल्प गर्नुपर्ने बताइन् ।
भगवती न्यौपानेले राष्ट्रिय सभाको सदस्य र मन्त्रीको रुपमा उत्कृष्ट काम गरेको अर्यालले बताइन् । राष्ट्रिय सभाको सदस्य र मन्त्रीको रुपमा खेलेको भुमिकाको कारणले नै पार्टीले यसपटक प्रतिनिधि सभामा लैजान उम्मेदवार बनाएको अर्यालको भनाई थियो । तनहुँको भुमिलाई विश्वभर चिनाउन र विकासको मुलधारमा लैजानकोलागि पनि भगवतीलाई प्रतिनिधि सभामा लैजानुपर्ने अर्यालले बताइन् ।
अहिले देश बचाउने र देश जलाउनेको विचमा चुनाव हुन गईरहेको भन्दै अर्यालले देश बनाउने पार्टी नेकपा एमालेलाई रोज्नुपर्ने अर्याललको भनाई थियो । राष्ट्रिय स्वाधिनता र राष्ट्रिय स्वाभिमानको झण्डा उँचो बनाउन पनि एमालेलाई जिताउनुपर्ने अर्यालले बताइन् ।
