तनहुँ । चैत २
नेपाली काँग्रेस तनहुँ क्षेत्र नम्बर १ का उम्मेदवार गोविन्द भट्टराईले आफ्नो चुनावी खर्च सार्वजानिक गरेका छन् । भट्टराईका प्रतिनिधिले सोमबार जिल्ला निर्वाचन कार्यालयमा चुनावी खर्च बुझाई सामाजिक सन्जाल मार्फत सार्वजानिक पनि गरेका छन् ।
भट्टराईका प्रतिनिधि नेपाली काँग्रेस तनहुँका सचिव सहदेव अधिकारीले जिल्ला निर्वाचन कार्यालय तनहुँमा बुझाएको खर्च विवरण अनुसार भट्टराईको चुनाव खर्च २८ लाख ६१ रहेको छ । जसमा उम्मेदवारी दर्ता र मतदाता नामावली खरिदमा १३ हजार, वडा स्तरीय प्रचार प्रसार खर्च ४ लाख २० हजार, पालिका स्तरीय चुनावी प्रचार खर्च १ लाख, वडा स्तरीय प्रचार प्रसार खर्च ४ लाख रहेको छ ।
त्यसैगरि स्टेशनरी खर्च २ लाख ६० हजार ८ सय, नमुना मतपत्र छपाई खर्च २ लाख ६९ हजार २ सय, निर्वाचनको दिन बुथ खर्च ६ लाख ३४ हजार, उम्मेदवारको कोठाभाडा, खाना, खाजा खर्च २ लाख ६० हजार, यातयात भाडा ३५ दिनको ४ लाख २२ हजार ९०६ र तेल खर्च १ लाख ११ हजार ५८४ रहेको छ ।
तनहुँ क्षेत्र नम्बर १ मा प्रमुख प्रतिद्वन्द्वी बनेका भट्टराईले १६ हजार २३१ मत पाएका थिए ।
