तनहुँ । जेठ १५
राष्ट्रिय स्वतन्त्र पार्टी व्यास नगर समितिको सभापतीमा पुनः चुणामणी दाहाल बिजयी भएका छन् । शुक्रबार सम्पन्न उक्त पार्टीको प्रथम नगर अधिवेशनबाट दाहाल सभापतीमा बिजयी भएका हुन् ।
नयाँ नेतृत्वकोलागि भएको निर्वाचनमा दाहालले १४२ मत प्राप्त गरेका थिए । सभापतीका अर्का उम्मेदजार शुशिल पौडेलले २७ र सुर्यचन्द्र लम्सालले २४ मत प्राप्त गरेका थिए । दाहाल यसअघि पनि सभापतीमा भारी मतका साथ बिजयी भएका थिए ।
त्यस्तै उपसभापतीमा नगेन्द्र ढुङ्गाना १३६ मतका साथ बिजयी भएका छन् । उपसभापती पदका अर्का उम्मेदबार गोविन्द श्रेष्ठले ५८ मत प्राप्त गरेका छन् ।
व्यास नगर समितिको सचिवमा भाग्यशाली ढुङ्गाना र सहसचिवमा नविन वस्ती यसअघि नै सर्वसम्मत निर्वाचित भईसकेका छन् ।
त्यसैगरि महाधिवेशन प्रतिनिधिमा सुर्यभक्त अधिकारी र राजु दाहाल निर्वाचित भएका छन् । नगर अधिवेशनमा २२६ जना प्रतिनिधि रहेकोमा निर्वाचनमा १९८ मत खसेको थियो ।
