तनहुँ । असार ३१
व्यास नगरपालिका नगर कार्यपालिकाको कार्यालयद्वारा आर्थिक वर्ष २०८२/०८३ को तेस्रो चौमासिकमा सम्पादित कार्यक्रम, विकास योजना, सुशासन तथा सेवा प्रवाह सम्बन्धमा बधुबार सार्वजनिक सुनवाई कार्यक्रम व्यास नपा १ स्थित दरै समाजको भवनमा सम्पन्न भयो ।
उक्त कार्यक्रममा व्यास नगरपालिकाका प्रमुख बैकुण्ठ न्यौपाने, उपप्रमुख इन्दिरा दरै, प्रमुख प्रशाकीय अधिकृत सुकदेव लम्साल तथा विभिन्न वडा अध्यक्ष एवं शाखा प्रमुखहरुले नगरवासीले उठाएका विभिन्न जिज्ञासाहरु प्रति प्रष्ट पारेका थिए ।
कार्यक्रममा सहभागी राजनीतिक दलका प्रमुख तथा प्रतिनिधि एवं नगरवासीहरुले फोहोर मैला व्यवस्थापन, ट्राफिक व्यवस्थापन, विकास निर्माण, राजश्व संकलन, रोजगारी सिर्जना, विपन्न वर्गका नागरिकलाई राहत लगायतको विषयमा जिज्ञासा राखेका थिए ।
नेपाल पत्रकार महासंघको सहजिकरणमा भएको उक्त कार्यक्रमको सन्चालन नेपाल पत्रकार महासंघ तनहुँका अध्यक्ष डिपि अधिकारीले गरेका थिए ।
