तनहुँ । साउन १६
तनहुँको भिमाद नगरपालिकाको २२ औँ नगरसभाबाट स्वीकृत आर्थिक वर्ष २०८३/०८४ को वार्षिक नीति, कार्यक्रम तथा बजेटसहितको ‘वार्षिक नगर विकास योजना पुस्तिका’ शुक्रबार सार्वजनिक गरिएको छ ।
नगरप्रमुख दधिराज सुवेदीको अध्यक्षता तथा संविधान सभा सदस्य टुकराज सिग्देलको प्रमुख अतिथ्यतामा आयोजित विशेष कार्यक्रममा उक्त योजना पुस्तिकाको औपचारिक विमोचन गरिएको हो ।
नगरपालिकाले आगामी आर्थिक वर्षका लागि कुल रु. ६७ करोड ७१ लाख को बजेट सार्वजनिक गरेको छ । विनियोजित कुल बजेटको शीर्षकगत विभाजन अनुसार चालु खर्चः ४७ करोड ७२ लाख र पुँजीगत खर्च रु. १९ करोड ९८ लाख रहेको छ ।
कार्यक्रममा उप–प्रमुख शारदा खनाल, नगरका जनप्रतिनिधिहरू, विभिन्न राजनीतिक दलका प्रतिनिधिहरूहरुले मन्तव्य राखेका थिए । उक्त कार्यक्रममा कार्यालय प्रमुखहरू, विभिन्न विद्यालयका प्रधानाध्यापकहरू, पत्रकारहरू तथा स्थानीय बुद्धिजीवीहरूकोे उपस्थिति रहेको थियो ।
सार्वजनिक नीति तथा कार्यक्रमले भिमाद नगर क्षेत्रको समग्र विकास, पूर्वाधार निर्माण, शिक्षा, स्वास्थ्य तथा सामाजिक रूपान्तरणलाई प्राथमिकतामा राखेको प्रमुख प्रशासकीय अधिकृत शोभाखर पोख्रेलले जानकारी दिए ।
