तनहुँ । साउन २०
जिल्ला प्रहरी कार्यालय तनहुँले अदालतको फैसला कार्यान्वयन तथा विभिन्न मुद्दाका फरार ५ जना प्रतिवादीहरूलाई पक्राउ गरेको छ ।
प्रहरी टोलीले मंगलबार तनहुँ जिल्ला अदालतबाट लगत कसी हालसम्म फरार रहेका ३ जना, आपराधिक उपद्रव मुद्दाका फरार १ जना र अभद्र व्यवहार मुद्दाका चालु प्रतिवादी १ जना गरी जम्मा ५ जनालाई पक्राउ गरेको हो । पक्राउ परेका सबैलाई आवश्यक कारबाहीका लागि तनहुँ जिल्ला अदालतमा उपस्थित गराइएको प्रहरीले जनाएको छ ।
पक्राउ पर्नेहरुमा अभद्र व्यवहार मुद्धामा १०÷१० हजार रुपैयाँ जरिवाना तोकिएका भारत घर भई हाल व्यास नगरपालिका–४ बस्ने दुई पुरुष, त्यस्तै अभद्र व्यवहार मुद्धामा ५ हजार रुपैयाँ जरिवाना तोकिएका भारत घर भई हाल व्यास नगरपालिका–४ बस्ने एक पुरुष, अभद्र व्यवहारको चालु मुद्धा रहेका म्याग्दी जिल्ला अन्नपूर्ण गाउँपालिका–७ घर भई हाल व्यास नपा–३ बस्ने एक पुरुष र आपराधिक उपद्रव मुद्धामा १० हजार रुपैयाँ जरिवाना तोकिएका ऋष्ङि गाउँपालिका–१ घर भएक एक पुरुष रहेका छन् ।
जिल्ला प्रहरी कार्यालय तनहुँका सूचना अधिकारी प्रहरी नायव उपरीक्षक द्वारिका प्रसाद घिमिरेका अनुसार फरार प्रतिवादीहरूलाई खोजी गर्ने अभियान अन्तर्गत उनीहरूलाई पक्राउ गरी अदालत समक्ष पेश गरिएको हो ।
