गाउँ फर्केका युवालाई पुल निर्माणमा रोगजारी

Devghat Online

शेयर गरौ

२० जेठ, दमौली
तनहूँको घिरिङ गाउँपालिका–१ र प्रदेश नम्बर ५ को पाल्पाको रामपुर नगरपालिका–१ जोड्ने गरी कालीगन्डकी नदी माथीको पुट्टारघाटमा निर्माण गरिएको मोटरेवल पुलमा विभिन्न देशबाट रोजगारी गुमाएर गाउँ फर्केका युवालाई सरिक गराईएको छ । उक्त पुलमा यस अघि नेपालगन्ज र बर्दियाका मजदुरले काम गरेपनि लकडाउन पछि उनीहरुलाई आफ्नै ठाउँ फर्काई गाउँकै युवालाई काममा लगाईएको पुल निर्माण समितिका अध्यक्ष विष्णुभक्त सिग्देलले बताए ।


दुई सय १७ मिटर लम्बाई र ११ मिटर चौडाईको उक्त पुल संघीय सरकारको २५ करोड रुपीयाँको लागतमा निर्माण सुरु भएको अध्यक्ष सिग्देलले बताए । सो पुल निर्माणमा अहिले पुट्टारका ५५ जना युवा खटिएका छन् । उनीहरु लकडाउन सुरु भएपछि भारत तथा अन्य मुलुकबाट रोजगारी गुमाएर गाउँ फर्किएका थिए । उनीहरुलाई दैनिक ज्याला आठ सय रुपीयाँ तोकिएको छ ।
बर्दिया र नेपालगन्जका मजदुरलाई घर पठाइएपछि मजदुर विहिन भएपछि केही दिन पुल निर्माण बन्द गरिएको तर गाउँ फर्किएका युवाहरुले उक्त काममा लाग्ने बताएपछि पुनः निर्माणको काम सुरु गरिएको अध्यक्ष सिग्देलले जानकारी दिए । पुल निर्माणकोलागि अहिले दैनिक दुई चरणमा गरेर १६ घन्टा लगातार काम गरिएको निर्माण कम्पनी बिल्र्डस शर्मा युनाइटेड रमन जेभी कन्ट्रक्सन प्रालिका प्रोजेक्ट म्यानेजर टेकनाथ शर्माले बताए ।
उक्त पुल तीन वर्षभत्र सम्पन्न गरिसक्ने लक्ष्य राखिएको छ । जिल्ला प्रशासन कार्यालयले पत्र बनाईदिएपछि निर्माण समाग्री पनि ढुवानी गर्न सहज भएको शर्माको भनाई छ । हालसम्म १८ प्रतिशत काम सकिएको निर्माण कम्पनीले जनाएको छ ।

प्रतिक्रिया दिनुहोस्

सम्बन्धित समाचारहरू

भानु जयन्तीको अवसरमा चुँदी रम्घामा विशेष कार्यक्रम, भानु जन्मस्थलको विकासकोलागि पहल गर्ने सांसद न्यौपानेको प्रतिबद्धता

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्तीको अवसरमा शनिबार देश तथा

आज भानु जयन्ती मनाईदै

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्ती आज देश तथा विदेशका

देवघाट गाउँपालिका आफ्नै भवनमा सर्ने प्रक्रिया सुरु, सुभसाईत पारी रुद्राभिषेक र अग्निस्थापना

देवघाट, असार २७ देवघाट गाउँपालिका आफ्नै भवनमा सर्ने प्रक्रिया सुरु भएको छ । वडा नम्बर