देवघाटको क्वारेन्टाइनमा २१ जना

Devghat Online

शेयर गरौ

सबैलाई आधारभुत सुविधाको व्यवस्थापन
२२ जेठ, देवघाट
तनहूँको देवघाट गाउँपालिकाले वडा नम्बर ५ को क्युँदी स्थित कालिका माविमा निर्माण गरेको क्वारेन्टाइनमा अहिले २१ जना रहेका छन् । उनीहरु सबै यसै साता भारतबाट आएका हुन् । भारतबाट प्रहरीको समन्वयमा आएका उनीहरुलाई चितवनको नारयणगढबाट गाउँपालिकाले आफ्नै सवारी साधनमा राखेर क्वारेन्टाइनसम्म ल्याएको गाउँपालिकाका प्रमुख प्रशासकीय अधिकृत रमेश सुवेदीले बताए ।


सो क्वारेन्टाइनमा ५० जना सम्मको क्षमता रहेको छ । अझै नागरिकहरु थपिने क्रम जारी रहेको र सोही अनुसार व्यवस्थापन गरिने गाउँपालिका स्वास्थ्य शाखा प्रमुख प्रदिपकुमार बुढाथोकीले बताए । क्वारेन्टाइनमा बस्ने सबैलाई गाउँपालिकाको क्षमता अनुसारको व्यवस्थापन गरिएको बुढाथोकीले बताए । एउटा कोठामा ४ जनाको दरले राखिएको र सबैलाई सुत्ने खाटको व्यवस्था गरिएको छ । एक जनाकोलागि दैनिक ३५० रुपैयाँसम्मको खाना र खाजाको व्यवस्था गरिएको उनले जानकारी दिए ।
क्वारेन्टाइनमा बस्नेहरुलाई दैनिक स्वास्थ्य परिक्षण हुने धर्मार्थ अस्पताल देवघाटका प्रमुख हेमनाथ कडेंलले बताए । त्यसकोलागि ३ जना स्वास्थ्यकर्मी पालैपालो खटिएका छन् भने चौबिसै घन्टा सुरक्षाकर्मीले सुरक्षा दिएका छन् ।
तर क्वारेन्टाइनमा बस्नेहरुको अहिलेसम्म स्वाव परिक्षण गरिएको छैन । गाउँपालिकासँग आरडिटी किट समेत नभएको हुँदा आरडिटी परिक्षण समेत गर्न नसकिएको बुढाथोकीले बताए । जिल्ला स्वास्थ्य कार्यालयसँग आरडिटी किट माग गर्दा अव गाउँपालिकाले नै किन्नु पर्ने जवाफ पाएको उनले बताए । क्वारेन्टाइनमा बस्नेहरुलाई तनाव कम गराउन हरेक साँझ नाचगान गराईने कडेलले बताए ।

प्रतिक्रिया दिनुहोस्

सम्बन्धित समाचारहरू

भानु जयन्तीको अवसरमा चुँदी रम्घामा विशेष कार्यक्रम, भानु जन्मस्थलको विकासकोलागि पहल गर्ने सांसद न्यौपानेको प्रतिबद्धता

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्तीको अवसरमा शनिबार देश तथा

आज भानु जयन्ती मनाईदै

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्ती आज देश तथा विदेशका

देवघाट गाउँपालिका आफ्नै भवनमा सर्ने प्रक्रिया सुरु, सुभसाईत पारी रुद्राभिषेक र अग्निस्थापना

देवघाट, असार २७ देवघाट गाउँपालिका आफ्नै भवनमा सर्ने प्रक्रिया सुरु भएको छ । वडा नम्बर