तनहूँमा थप दुई जनालाई कोरोना पुष्टि

Devghat Online

शेयर गरौ

२३ जेठ, दमौली
तनहूँमा दुइ जनालाई कोरोना संक्रमण पुष्टि भएको छ । स्वास्थ्य निर्देशनालय गण्डकीका अनुसार ऋषिङ गाउँपालिकाका ३९ र ४० वर्षीय दुई पुरुषमा कोरोना संक्रमण पुष्टि भएको छ । गत जेठ १० गते नेपाल–भारत सिमा क्षेत्रबाट उद्धार गरी गाउँपालिकाले तयार गरेको क्वारेन्टिनमा बस्दै आएका उनीहरुको गत १६ गते थ्रोट स्वाब नमुना संकलन गरी परीक्षणका लागि पठाइएको थियो ।
पश्मिाञ्चल क्षेत्रीय अस्पताल पोखराको कोरोना प्रयोगशालामा गरिएको परीक्षणमा शुक्रबार बिहान उनिहरुको रिपोर्ट पोजेटिभ आएको जिल्ला स्वास्थ्य कार्यालय तनहूँका प्रमुख शंकरबाबु अधिकारीले जानकारी दिए । यस अघि ऋषिङ गाउँपालिकाकै २८ वर्षीय एक युवकमा कोरोना संक्रमण पुष्टि भएको थियो ।
संक्रमित सबैलाई शुक्लागण्डकी नगरपालिका स्थित जिपि कोइराला राष्ट्रिय श्वासप्रश्वास उपचार केन्द्रको आइसोलेसनमा राखिएको छ । संक्रमित तीनै जनाको स्वास्थ्य अवस्थामा सामान्य रहेको अस्पतालका कार्यकारी निर्देशक रामकुमार श्रेष्ठले बताए ।
तनहूँमा ६ सय १८ जनालाई स्थानीय तहले निर्माण गरेको क्वारेन्टिनमा राखिएको छ । क्वारेन्टिनमा बसेकामध्ये ४७० जनाको पिसिआर टेस्टमार्फ कोरोना परीक्षणका लागि नमुना संकलन गरी पोखरा पठाइएकोमा ३७८ जनाको रिपोर्ट नेगेटिभ आएको छ भने ९१ जनाको रिपोर्ट आउन बाँकी रहेको जिल्ला स्वास्थ्य कार्यालय तनहुँले जनाएको छ ।

प्रतिक्रिया दिनुहोस्

सम्बन्धित समाचारहरू

राष्ट्रिय सभामा सरकारले ल्याएको बजेटका प्रावधान संशोधन हुने भएपछि बैठक नै स्थगित, चार दलको आपत्ती

काठमाडौं, असार २७ सरकारको तर्फबाट राष्ट्रिय सभाको विहिबारको बैठक स्थगित गरिएको छ । ठूलो रकम