नेपालमा हालसम्म ४६७ जनाले कोरोना भाइरस जितेका छन् । पछिल्लो २४ घण्टामा देशका विभिन्न अस्पतालको आइसोलेसनबाट थप १०२ जना घर फर्किको स्वास्थ्य तथा जनसंख्या मन्त्रालयको नियमित प्रेस ब्रिफिङमा सहसचिव डा. विकास देवकोटाले जानकारी दिए ।
देशभर अहिलेसम्म जम्मा ३ हजार ४४८ जनामा कोरोना संक्रमण पुष्टि भएकोमा आइसोलेसनमा अझै २ हजार ९६८ जना उपचाररत छन् । त्यसमध्ये प्रदेश दुईमा सबैभन्दा बढी छन् । मन्त्रालयले दिएको जानकारीअनुसार प्रदेश १ मा १६८ जना, प्रदेश २ मा ९७४ जना, बागमती प्रदेशमा ५७ जना, गण्डकी प्रदेशमा १०८ जना, प्रदेश ५ मा ९४४ जना, कर्णाली प्रदेशमा ६२१ जना र सुदूरपश्चिम प्रदेशमा ९६ जना आइसोलेसनमा छन् ।
हालसम्म नेपालमा ९६ हजार २०५ जनाको पीसीआर र १ लाख ४५ हजार ४९ जनाको आरडीटी परीक्षण गरिएका छन् । त्यसमध्ये पछिल्लो २४ घण्टामा ३ हजार ७ सय २८ जनाको पीसीआर र ७ हजार ६ सय १४ जनाको आरडीटी परीक्षण गरिएका छन् ।
अझै पनि परीक्षणको पर्खाइमा क्वारेन्टिनमा १ लाख ७० हजार ७३२ जना छन् । त्यसमध्ये सबैभन्दा बढी सुदूरपश्चिम प्रदेशमा सबैभन्दा बढी छन् । क्वारेन्टिनमा रहेकामध्ये प्रदेश १ मा ४ हजार ३८८ जना, २ मा २२ हजार २३२ जना, बागमती प्रदेशमा ३ हजार १९५ जना, गण्डकी प्रदेशमा ५ हजार ३६३ जना छन् । त्यस्तै प्रदेश ५ मा ३९ हजार ८९७ जना, कर्णाली प्रदेशमा ३२ हजार ८२ जना र सुदूरपश्चिम प्रदेशमा ६३ हजार ५७५ जना छन् ।
