‘घर÷घरमा खानेपानी आउँदा सपना जस्तै लाग्यो’

Devghat Online

शेयर गरौ

असार ७, देवघाट
तनहूँको देवघाट गाउँपालिका–३ स्थित नाल्बुङ गाउँकी गोमा गुरुङको दैनिकी पानी बोकेर सुरु हुन्थ्यो र पानी बोकेरै सकिन्थ्यो । विहानै उठेर एक घन्टा टाढाको कुवाबाट पानी ल्याउँने उनको दैनिकी बनिसकेको थियो । एक गाग्री पानी लिन जान–आउन दुई घन्टा लाग्ने सो गाउँका महिलाहरु दिनमा दुई÷तिन पटक पानी लिन जाँदा दिन नै सकिन्थ्यो । पटक–पटक कुवा धाएर ल्याएको पानीले खाना बनाउने, गाईबस्तुलाई खुवाउने, भाँडा माझ्ने, कपडा धुने कामको लागि एक पटकमा दुई घन्टा लगाएर पानी ल्याउनु उनीहरुकोलागि सामान्य बनिसकेको थियो ।
घरमै खानेपानीको धारा आउने कल्पना नगरेकी गोमालाई अहिले सपना जस्तो लागेको छ । अहिले घर÷घरमा खानेपानीको धारा आउँदा गोमा मात्रै हैन सो गाउँका सबै जनतालाई सपना जस्तै लागेको छ । ‘खुसीले भुईमा खुट्टा नै छैन’ स्थानीय श्रीमाया विकले भनिन् ‘घरमै धारा आउँदा अहिले सपना पुरा भएको जस्तै लागेको छ ।’ ‘सोच्दै नसोचेको काम भयो’ गोमाले भनिन् ‘अब त सुखका दिन आउन थाले कि जस्तो भइरहेको छ ।’


देवघाट गाउँपालिकासँगको सहकार्यमा चितवनको नारयणगढ स्थित नारयणगढ रोटरी क्लवले चार महिनाको प्रयासमा नाल्वुङ गाउँमा खानेपानी सुविधा पु¥याएको हो । २०७६ माघ २८ गते बाट शुरु गरिएको नाल्बुङ खानेपानी तथा सरसफाई योजना मार्फत गाउँका ४९ घरमा खानेपानीको सुविधा पु¥याईएको गाउँपालिकाका अध्यक्ष दुर्गबहादुर थापाले बताए । बन्दाबन्दीको समयमा पनि निरन्तर काम भएको कारण समयमै योजना पुरा भएको अध्यक्ष थापाले बताए ।
सो खानीपानी योजना सम्पन्न गर्न देवघाट गाउँपालिकाले २० लाख, नारायणगढ रोटरी क्लवले ५ लाख ४० हजार र स्थानीयवासीको लागत सहभागिता ६ लाख ७६ हजार २ सय ४७ रुपीयाँको लगानी रहेको गाउँपालिकाका प्रमुख प्रशासकीय अधिकृत रमेश सुवेदीले बताए ।
गाउँदेखी करिब तिन सय मिटर तल रहेको मुहानबाट पम्पको सहायताले पानी तानिएको छ । पानी तान्नका लागि २८ वटा पातासहितको सोलार प्रणाली जडान गरिएको छ । १६ हजार लिटरको भण्डारण ट्यांकी निर्माण गरेर ४९ वटा धाराहरुमा पानी पु¥याइएको खानेपानी योजनाका इन्जिनियर गुणेश्वर महतोको जानकारी दिए ।
जनजाती तथा दलित समुदायको बाक्लो बसोबास रहेको विकट सो गाउँमा खानेपानीको समस्या रहेको बारेमा जानकारी पाएपछि गाउँपालिकासँग सहकार्य गरि योजना सन्चालन गरिएको नारायणगढ रोटरी क्लवका अध्यक्ष सुशनलाल प्रधानले बताए । क्लवका संस्थापक अध्यक्ष निरञ्जन प्रधानले खानेपानी जनताको पहिलो आधारभुत अधिकार भएको र सो सुविधा नपुगी अन्य विकासको अर्थ नरहने भएकाले खानेपानी योजनामा सहयोग गरेको बताए ।
देवघाट गाउँपालिकाका अध्यक्ष थापाले खानेपानीको ठूलो समस्या भए पनि बजेटको अभावमा योजना पुरा गर्न नसक्दा रोटरी क्लवले साथ दिएको बताए । योजनाकोलागि प्रदेश सरकारसँग बजेट माग गरेपनि नपाएको भन्दै उनले रोटरी क्लवले साथ दिने भएपछि सामुदायिक भवन र विद्यालय भवन निर्माणकोका लागि छुट्टाइएको बजेट रकमान्तर गरेर खानेपानी योजना पुरा गरिएको अध्यक्ष थापाले बताए ।
नाल्वुङ खानेपानी उपभोक्ता समितिका अध्यक्ष मानबहादुर गुरुङले विगतमा गाउँ नजिकै भएको खानेपानीको मुहान २०७२ को भुकम्पको कारण सुकेपछि स्थानीयले धेरै दुःख पाएको बताए । अव भने घर आँगनमै खानेपानी सुविधा आएपछि गाउँलेहरु निकै खुसी भएको गुरुङले बताए ।

प्रतिक्रिया दिनुहोस्

सम्बन्धित समाचारहरू

भानु जयन्तीको अवसरमा चुँदी रम्घामा विशेष कार्यक्रम, भानु जन्मस्थलको विकासकोलागि पहल गर्ने सांसद न्यौपानेको प्रतिबद्धता

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्तीको अवसरमा शनिबार देश तथा

आज भानु जयन्ती मनाईदै

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्ती आज देश तथा विदेशका

देवघाट गाउँपालिका आफ्नै भवनमा सर्ने प्रक्रिया सुरु, सुभसाईत पारी रुद्राभिषेक र अग्निस्थापना

देवघाट, असार २७ देवघाट गाउँपालिका आफ्नै भवनमा सर्ने प्रक्रिया सुरु भएको छ । वडा नम्बर