२६ असार, दमौली
१४ वर्षीया बालिकासँग विवाह गर्न खोजेका गोरखाको सहिद लखन गाउँपालिका–२ का २३ वर्षीय सन्तोष अर्याललाई बुधबार व्यास नपा– ११ बाट प्रहरीले पक्राउ गरेको छ । सोही ठाउँकी बालिकासँग बाल विवहा हुदै गर्दा प्रहरीले दुलाहा सहित उनका वुवा र पण्डित तथा बालिकाको बाबू र आमालाई समेत मण्डपबाटै फक्राउ गरेको जिल्ला प्रहरी कार्यालयका प्रवक्ता डिएसपी युवराज तिमिल्सिनाले बताए ।
बालविवाह हुँदै छ भन्ने सूचनाको आधारमा गएको प्रहरीले विवहाको कार्यक्रम भईरहँदा उनीहरुलाई पक्राउ गरेको डिएसपी तिमल्सिनाले बताए ।
डिएसपी तिमिल्सिनाका अनुसार प्रहरी पुग्दा बालिकालाई सिन्दुर समेत हालिसकेको र अन्माउने तयारी हुँदै थियो । पक्राउ गरिएका सबैलाई असार २५ गते बिहीबार तनहुँ जिल्ला अदालतबाट म्याद थप गरी अनुसन्धान भइरहेको प्रहरीले जनाएको छ । उनीहरुलाई देवानी फौजदारी संहिताको विवहा सम्बन्धि कसुर अन्तर्गत वाल विवहा सम्बन्धी मुद्धा दर्ता गरिएको डिएसपी तिमिल्सेनाले बताए ।