४ साउन, कावासोती
अनौपचारिक क्षेत्र सेवा केन्द्र (इन्सेक)ले नवलपरासी (बर्दघाट सुस्ता पूर्व)को कावासोती नगरपालिकालाई आइतबार स्वास्थ्य सामग्री प्रदान गरेको छ । कावासोती नगरपालिकालाई कोरोना रोकथाम तथा नियन्त्रणको लागि सहज होस् भन्ने उद्देश्यले ५०० थान माक्स, एक लिटर सेनिटाइजर र २ थान थर्मल गन हस्तान्तरण गरिएको हो ।
इन्सेक जिल्ला प्रतिनिधि तिर्थराज डुम्रे र इन्सेकले गठन गरेको मानव अधिकार समूह कावासोतीका सदस्य दयाराम आचार्यले संयुक्तरूपमा कावासोती नगरपालिका उपप्रमुख प्रेमशंकर मर्दनियालाई स्वास्थ्य सामग्री हस्तान्तरण गरेका थिए । स्वास्थ्य सामग्री ग्रहण गर्दै नगरपालिका उपप्रमुख मर्दनियाले (कोभिड १९ ) को कारण सृजना भएको विपदमा इन्सेकको सहकार्य महत्वपूर्ण रहेको भन्दै धन्यवाद व्यक्त गरेका थिए । उनले आगामी दिनमा समेत आवश्यक समन्वय गर्न अनुरोध गरे ।
इन्सेक गण्डकी प्रदेशद्वारा नवलपुरको दुई स्थानीय तह कावासोती नगरपालिका र बिनयी त्रिवेणी गाउँपालिकामा मानव अधिकार संरक्षण तथा सम्वदर््धनका लागि राज्यको जवाफदेहिता तथा जनताको सहभागिता अभिवृद्धि कार्यक्रम सञ्चालित छन् । सोही कार्यक्रमअन्तर्गत स्वास्थ्य सामग्री हस्तान्तरण गरिएको परियोजना जिल्ला सहजकर्ता ज्ञानु पंगेनीले बताइन् ।