३० साउन, बन्दिपुर
भानु नगरपालिकाको एउटै वडामा २० जना सर्वसाधरणलाई कोरोना पुष्टि भएपछि छिमेकी बन्दिपुर गाउँपालिका बन्द गरिएको छ । गाउँ कार्यपालिकाले शुक्रबार सुचना प्रकाशन गरि एक साताकोलागि गाउँपालिका भित्र अत्यावश्यक बाहेक सबै सेवाहरु बन्द गर्ने निर्णय गरेको हो ।
गाउँकार्यपालिकाको कोभिड १९ जोखिम, बन्दाबन्दी र न्युनिकरण सम्बन्धमा बसेको बैठकले भदौ ५ गतेसम्म एक साताकोलागि अत्यावश्यक स्वास्थ्य सेवा, सन्चार, दुग्ध उत्पादक, दाना तथा तरकारी बाहेक सबै सेवाहरु पुर्ण रुपमा बन्द गर्ने निर्णय गरेको गाउँपालिकाका अध्यक्ष पुर्णसिंह थापाले बताउनु भयो ।
यो अवधिमा नागरिकहरु सकेसम्म घरबाहिर ननिस्कन र निस्कनै परे अनिवार्य मास्क लगाउन, सामाजिक दुरी कायम गर्न तथा सेनीटाईजर र सावुन पानीको बेलाबेलामा प्रयोग गरिरहन गाउँपालिकाले निर्णय गरेको छ ।
यस शुक्रबार देखी तनहँुको भानु नगरपालिका र देवघाट गाउँपालिका एक साताकोलागि लकडाउन गरिएको छ ।
