१४ भदौ, दमौली
तनहूँको भानु गरपालिकामा कोरोना भाईरसबाट २२ जना थप सक्रमित भएका छन् । गत भदौ १० गते स्वाव संकलन गरि परिक्षणकोलागि कोभिड–१९ परिक्षण प्रयोशाला पोखरामा पठाईएका मध्येबाट आईतबार विहान प्राप्त रिर्पाेटमा २२ जना संक्रमित थपिएको भानु नपाका स्वास्थ्य शाखाका प्रमुख ऐश्वर्यचन्द्र भट्टराईले जानकारी दिए ।
संक्रमित मध्ये सबैभन्दा धेरै वडा नम्बर ६ मा १२ जना रहेका छन् । त्यसैगरि वडा नम्बर ७ मा ५ जना, वडा नम्बर १ र १२ मा २÷२ जना र वडा नम्बर १३ मा एक जना रहेको भट्टराईले बताए । संक्रमित मध्ये वडा नम्बर १, ६ र १२ मा एक÷एक जना महिला रहेका छन् ।
यस अघि भानु नगरपालिकाका २५ जना संक्रमितहरु आईसोलेशनमा रहेका छन् । पछिल्लो समय तनहूँको सबैभन्दा धेरै संक्रमित हुने स्थानीय तहमा भानु रहेको छ । संक्रमितहरुलाई साँझसम्म आईसोलेशन वा होमआईसोलेशनमा राखिने भट्टराईले बताए ।
