१५ मंसिर, देवघाट
प्रतिनिधि सभा तनहूँ क्षेत्र नम्बर १ का सांसद कृष्णकुमार श्रेष्ठ किसानले देवघाट गाउँपालिकाका पाँच वटा योजनालाई ५५ लाख रुपैयाँ विनियोजन गरेका छन् । स्थानीय पुर्वाधार विकास साझेदारी कार्यक्रम अन्तर्गत सांसद श्रेष्ठले चालु आर्थिक वर्षको लागि उक्त रकम विनियोजन गरेका हुन् ।
सांसद श्रेष्ठले वडा नम्बर २ को कछाडक्षेत्र ग्रामिण मोटरमार्गको छिपछिपेदेखी जुमडाँडा सम्मको लागि १० लाख, वडा नम्बर २ को फिदिमस्वाँरा मा्ेटरमार्गकोलागि १० लाख, वडा नम्बर ४ को काफलस्वाँरा मोटरमार्गकोलागि लागि १० लाख रुपैयाँ विनियोजन गरेका छन् ।
वडा नम्बर ५ को गाईघाट देखी बगन्दी सम्म जाने मोटरमार्ग खन्न २० लाख र देउपुर टोल विकास संस्थाको सामुदायीक भवनको अधुरो कामकोलागि ५ लाख रुपैयाँ विनियोजन गरेका छन् ।
देवघाट गाउँपालिका तथा स्थानीय जनताको माग र आवश्यकताको आधारमा योजना छनौट गरि रकम विनियोजन गरिएको सांसद श्रेष्ठको सचिवालयले जनाएको छ ।
