जुलाई २४, माल्टा ।
गैरआवासीय नेपाली सघं माल्टाको अगामी कार्यकालका लागि महासचिव पदमा आकाश गुरुङ्गले आफ्नो उम्मेवारी दिएका छन् । उनले हरेक नेपालीलाई एक ढिक्का बनाउनुको साथै एनआरएनएका गतिविधीहरु विभिन्न क्षेत्रमा विस्तार गर्दै नेपाली समुदायको मनोभावना अनुसार काम गर्न एनआरएनए माल्टाको महासचिव पदमा उम्मेदवारी दिएको बताएका छन् ।
चितवनको भरतपुर ६ इन्द्रपुरीमा स्थायी घर भएका गुरुङ्ग बिगत तीन वर्षदेखि माल्टामा आफ्नो कर्मथलो बनाउँदै आएका छन् । उम्मेदवार गुरुङ्ग माल्टामा रहेका विभिन्न संघ संस्थामा आबद्ध रहेर सांस्कृतिक, खेलकुद र अन्य कार्यक्रमबाट नेपालीहरुलाई साथ र सहयोग गर्दै आएको बताउँछन् ।
गुरुङले माल्टामा रहेका नेपाली समुदायको हकहितको लागि यहाँको सरकारी र गैरसरकारी संघ–संस्थासँग कुटनैतिक पहल गर्ने प्रतिबद्धता गदै समाबेशी समुहलाई निर्वाचनमा अमुल्य मत दिई विजय गराउन समेत माल्टाबासी नेपालीहरुलाई अनुरोध गरेका छन् ।
