देवघाट अनलाइन
दमौली, बैशाख ४
तनहुँ क्षेत्र नम्बर १ मा नेकपा एमालेले युवा परिचालनको जिम्मेबारी पोलिट्व्युरो सदस्य तथा युवा संघका इन्चार्ज महेश बस्नेतलाई दिएको छ । उपनिर्वाचनको मिति नजिकिएसँगै पोलिट्व्युरो सदस्य बस्नेत युवा परिचालनकोलागि तनहुँ क्षेत्र नम्बर १ मा खटिएका छन् ।
बस्नेत सोमबार देवघाट गाउँपालिकाको चुनावी सभामा सहभागी भएका थिए । उनी निर्वाचनको दिनसम्म तनहुँमै खटिनेछन् । बस्नेतसँगै नेकपा एमालेका केन्द्रिय सदस्य तथा युवा संघका पुर्व अध्यक्ष राजिव पहारी पनि तनहुँ आएका छन् ।
उनीहरुसँग युवा संघका केही पदाधिकारी र केन्द्रिय सदस्यहरु पनि तनहुँमा खटिने भएका छन् । विशेषगरि सत्तागठबन्धनले तनहुँ १ मा राज्य शक्तिको दुरुपयोग गर्ने संकेत पाएपछि युवा परिचालनको नेतृत्व गर्न बस्नेत तनहुँ आएका हुन् ।
