देवघाट अनलाइन
दमौली, बैशाख ७
तनहुँमा हुने उपनिर्वाचनको बहिष्कार अभियान सन्चालन गरेको आरोपमा प्रहरीले चार जनालाई गिरफ्तार गरेको छ । विहिबार दमौलीको अनसन चोक उपनिर्वाचन विरोधी कोणसभा आयोजना गरेको अवस्थामा उनीहरुलाई गिरफ्तार गरेको हो ।
गिरफ्तार हुनेमा नेकपा मशालका केन्द्रिय प्रवक्ता प्युठान जिल्ला निवासी रामबहादुर बुढामगर, नेकपा मशालका गन्डकी प्रदेशका प्रवक्ता व्यास नपा ३ का पुष्पलाल श्रेष्ठ, नेकपा मशालका तनहुँ जिल्ला प्रवक्ता व्यास नपा १३ का धनबहादुर परियार, नेकपा मशालका तनहुँ जिल्ला सेक्रेटरी म्याग्दे गाउँपालिका–५ का नरबहादुर थापा मगर र नेकपा मशालका समर्थक चितवन माडी घर भएका राजकुमार श्रीस मगर रहेको नेकपा क्रान्तिकारी माओवादीका गन्डकी प्रदेश सचिवालय सदस्य नेत्र रानाभाटले बताए ।
नेकपा मशाल, नेकपा बहुमत, नेकपा क्रान्तिकारी माओवादी र देशभक्ता गणतान्त्रिक मन्चले बैशाख १० गते हुने उपनिर्वाचनको बहिष्कार गरौं भन्ने नारा सहित विहिबार अनसन चौतारीमा कोणसभा आयोजना गरेको थियो ।
चारवटा कम्युनिष्ट पार्टीहरुले निर्वाचन बहिष्कार अभियानलाई अझ शसक्त रुपमा लैजाने नेकपा क्रान्तिकारी माओवादीका गन्डकी प्रदेश सचिवालय सदस्य रानाभाटले बताए । पक्राउ परेकाहरु सबै साँझ ६ बजे रिहा भएका थिए ।
