देवघाट, जेठ २ गते
इलाका प्रहरी कार्यालय देवघाटले हराएको मोबाइल भेट्टाई सम्बन्धित व्यक्तिलाई हस्तान्तरण गरेको छ ।
देवघाट गाउँपालिका-५ स्थित महेश मार्ग बस्ने दयाराम आचार्यको गत चैत ५ गते हराएको रेडमी ८ प्रो मोडलको मोबाइल प्रहरीले भेट्टाई मंगलबार सम्बन्धित व्यक्तिलाई बुझाएको छ ।
आचार्यले मोबाइल हराएको भन्दै चैत ८ गते इलाका प्रहरी कार्यालय देवघाटमा निबेदन दिएका थिए । उक्त निबेदन र मोबाइलको आइएमई नम्बर जिल्ला प्रहरी कार्यालय तनहुँमा पठाएको थियो ।
जिल्ला प्रहरी कार्यालयले उक्त मोबाइल मंगलबार भेट्टाई देवघाट प्रहरी मार्फत सम्बन्धित मोबाइल धनीलाई बुझाएको इप्रका देवघाटका प्रमुख बरिस्ठ सई कृष्णबहादुर बानियाँले जानकारी दिए ।
