दमौली, जेठ ३
१३ बर्षीया बालिकालाई बलात्कार गरेको कसुरमा तनहुँ जिल्ला अदालतले बन्दिपुर गाउँपालिका–५ कल्चोकका २२ बर्षीय बिनोद विकलाई साढें ९ वर्ष कैद सजाय फैसला सुनाएको छ ।
जिल्ला न्यायधिश कोमलप्रसाद आचार्यको इजलासले विहिबार उक्त फैसला गरेको हो । अदालतले पीडितलाई २५ हजार रुपैयाँ क्षतीपुर्ती भराउने फैसला गरेको अदालतका श्रेस्तेदार मिनबहादुर कुँवरले जानकारी दिए ।
पीडितलाई विकले २०७७ असार २० गते बलात्कार गरेको आरोपमा पीडितका अविभावकले सोही दिन इलाका प्रहरी कार्यालय डुम्रेमा उजुरी दिएका थिए । प्रहरीले विकलाई २०७७ असार २४ गते गिरफ्तार गरेको थियो । जिल्ला अदालतको आदेशमा आरोपित २०७७ साउन १३ गते देखी पुर्पक्षकोलागि जिल्ला कारागारमा थुनामा थिए ।
