दमौली, असार १४
जननेता मदन भण्डारीको ७२ औं जन्म जयन्तीको अवसरमा नेकपा एमाले जिल्ला कमिटि तनहुँले विहिबार दमौलीमा ‘जनताको बहुदलिय जनवादः आजको सान्दर्भिकता’ विषयमा जिल्ला स्तरीय प्रवचन कार्यक्रमको आयोजना गरेको छ ।
सो कार्यक्रममा बोल्दै नेकपा एमालेका केन्द्रिय सदस्य तथा तनहुँ जिल्ला इन्चार्ज तिलक महतले अहिलेको नेपालको सन्दर्भमा जनताको बहुदलिय जनबाद नै सर्वाेत्कृष्ट सिद्धान्त रहेको बताए । जनताको बहुदलिय जनवादकै माध्यमबाट राष्ट्रिय स्वाधिनताको संरक्षण गर्दै सुखी नेपाली समृद्ध नेपालको राष्ट्रिय आकांक्षा पुरा गर्न तर्फ लाग्नु पर्ने महतले बताए ।
नेकपा एमाले जिल्ला कमिटिका अध्यक्ष श्रीप्रसाद श्रेष्ठको अध्यक्षतामा भएको सो कार्यक्रममा एमाले केन्द्रिय सदस्य सविता रसाईली, केन्द्रिय सल्लाहाकार एकबहादुर राना, प्रदेश कमिटिका सचिवालय सदस्यद्वय नारयण खनाल र रामचन्द्र उपाध्याय, बुद्धिजिवि परिषदका केन्द्रीय सदस्य शुनिल पाण्डे, शिक्षक संगठनका जिल्ला सचिव बाबुराम पौडेल लगायतले मदन भण्डारी र जनताको बहुदलीय जनबादको सान्दर्भिकताको बारेमा मन्तव्य राखेका थिए ।
सो कार्यक्रको सन्चालन एमाले जिल्ला सचिव राजेश्वर ढकाल र स्वागत मन्तव्य उपाध्यक्ष हरिराज कंडेलले गरेका थिए । सो अवसरमा राष्ट्रिय जनसांस्कृतिक मन्चका कलाकारहरुले सांस्कृतिक प्रस्तुती राखेका थिए ।
वि.सं. २००९ साल असार १४ गते ताप्लेजुङ जिल्लाको ढुंङ्गेसाँघु गाविसको ठोट्ने भन्ने ठाउँमा मदन भण्डारीको जन्म भएको थियो ।
