दमौली, असार १९
१९ र १२ बर्षिया छोरीहरुलाई बलात्कार गरेको आरोपमा व्यास नपा– ६ का ६० बर्षिया एक बाबुलाई प्रहरीले मंगलबार पक्राउ गरेको छ ।
अभियुक्तले २०७९ भदौ यता दुई छोरीलाई पटक पटक बलात्कार गरेको भन्दै पीडितद्वय र पीडितकी आमाले उनलाई कारवाहीको लागि मंगलबार नै जिल्ला प्रहरी कार्यालयमा जाहेरी दिएका थिए । सो जाहेरीपछि प्रहरीले आरोपितलाई गिरफ्तार गरेको जिल्ला प्रहरी कार्यालयका एक प्रहरी अधिकृतले जानकारी दिए ।
पीडितहरुको मंगलबार नै दमौली अस्पतालमा स्वास्थ्य परिक्षण भएको र आरोपितलाई जिल्ला अदालतबाट म्याद थप गरि अनुसन्धानकोलागि थुनामा राखिएको छ ।
उक्त घटनाको बारेमा पीडित बालिकाहरुले यस अघि पटक पटक शिशाघाट प्रहरी चौकीमा जानकारी गराएपनि उक्त प्रहरी चौकीका प्रहरीहरुले घरायसी घटना भएको भन्दै घरमै मिलाउन भन्दै फिर्ता पठाएको बुझिएको छ ।
