देवघाट, असार २०
गत साता सम्पर्क विहिन भएका देवघाट गाउँपालिका–५ का २३ बर्षिय सन्तोष थापा मगर एक सतापछि बुधबार बिहान घर फर्किएका छन् । गत साताको बुधबार पोखरा जान्छु भनि हिडेका उनी त्यसयता सम्पर्क विहिन भएका थिए ।
उनी बुधबार बिहान ५.३० बजे एक्लै घर फर्किएको उनका काका प्रेम थापाले जानकारी दिए । सन्तोषले आफु पोखरा गएको बताएको प्रेमले जानकारी दिए । उनको शरिरको अवस्था हेर्दा ८ दिनसम्म पैदल नै हिडेको जस्तो देखिने प्रेमले बताए । सन्तोषको खुट्टा र पैतालामा घाउचोटहरु देख्न सकिन्छ ।
सन्तोष सम्पर्क विहीन भएपछि उनका परिवारले इलाका प्रहरी कार्यालय देवघाटमा खोजीकोलागि निबेदन दिएका थिए । प्रहरीले पनि आफ्नो संयन्त्र मार्फत उनको खोजी गरेपनि सन्तोष आफै एकलै घर फर्किएका हुन् ।
सन्तोष हराएको बारेमा देवघाट अनलाइनमा समाचार प्रकाशित भएको थियो । सन्तोषका काका प्रेमले देवघाट अनलाईन हेरेर धेरै शुभचिन्तकले आफुहरुलाई फोन गरेको बताए ।
