विष्णु पाण्डे
देवघाट, भदौ २
भारतको ७७ औं स्वतन्त्रा दिवसको अवसरमा शनिबार देवघाटमा शुभकामना तथा अमृत भोजन कार्यक्रम आयोजना गरियो । नेपाल–भारत आदिवासी तथा जनजाती मैत्री संघ द्वारा आयोजित सो कार्यक्रम देवघाट स्थित गलेश्वर आश्रममा सम्पन्न भएको थियो ।
कार्यक्रममा नेपाल भारत मैत्री संघका अध्यक्ष बिनोद कुमार गुरुङ, देवघाट गाउँपालिका उपाध्यक्ष भुवन सिं गुरुङ लगायतले शुभकामना मन्तव्य राखेका थिए । कार्यक्रमका वक्ताहरुले नेपाल–भारत सम्बन्धको महत्वको बारेमा धारणा राखेका थिए ।
सो कार्यक्रममा वडा नम्बर ५ का वडा सदस्यहरु कमला गुरुङ, सरस्वती परियार, बुद्धि ब.पाण्डे लगायतको उपस्थिती रहेको थियो । कार्यक्रमको सन्चालन सन्जिब गिरिले गरेका थिए भने बटुकहरुले स्वस्ती बाचन गरेका थिए ।
