देवघाट, भदौ १९
देवघाटधाम जेसीजको आयोजनामा जेसीज सप्ताह–२०२३ मंगलबारबाट सुरु भएको छ । सप्ताहको पहिलो दिन भदौ १९ गते मंगलबार देवघाटधाम स्थित गलेश्वर आश्रममा रहेको सिद्धेश्वर महादेवको मन्दिरमा पुजा तथा सरसफाइ कार्यक्रम आयोजना गरियो ।
वडा नम्बर ५ का वडा सदस्य यामबहादुर मगरको प्रमुख आतिथ्यतामा जेसीज सप्ताह कार्यक्रम आयोजना गरिएको थियो । सप्ताहको अवसरमा विभिन्न कार्यक्रम आयोजना गरिने सप्ताह कार्यक्रम मुल संयोजक तथा देवघाट जेसीजका कार्यकारिणी उपाध्यक्ष–२०२३ जेसी रघु मल्लले जानकारी दिए ।
सप्ताहलाई भव्य तरिकाले मनाउन विभिन्न तयारी गरिएको जेसीज वर्ष–२०२३ अध्यक्ष जेसी बिष्णुहरी सापकोटाले बताए । सप्ताह कार्यक्रमलाई समाजमा प्रभाव पर्ने विभिन्न कार्यक्रम गरिने सापकोटाले बताए ।
