दमौली, असोज १२
प्रहरीले अबैध लागु औषध सहित शुक्रबार आँबुखैरेनी गाउँपालिका–४ बेनीटार पुलजिपबाट एक व्यक्तिलाई पक्राउ गरेको छ ।
पृथ्वी राजमार्ग सडक खण्डमा बिरगञ्जबाट पोखरा तर्फ जान आउदै गरेको ग १ ख ००८९ बस रोकी चेकजाँच गर्दा सो बसमा सवार जिल्ला पर्सा जिल्ला छिपहरमाई गाउँपालिका–२ जयमंगलपुर बस्ने २८ बर्षिय सुखलाल मुखियालाई अबैध लागु औषध नाइट्राभेट २९ पत्ता (४३५ ट्याब्लेट) पक्राउ गरेको जिल्ला प्रहरी कार्यालयले जनाएको छ ।
उनलाई तनहुँ जिल्ला अदालतबाट अनुसन्धानकोलागि ७ दिनको म्याद थप अनुमती लिई थप अनुसन्धान भईरहेको प्रहरीले जनाएको छ ।
