दमौली, असोज १२
भिमाद नपा–९ मोहरियाटार बस्ने १९ बर्षिय जिवन थापालाई चोरीको सामान सहित विहिबार प्रहरीले पक्राउ गरेको छ ।
थापाले भिमाद नगरपालिका–९ मोहरियाटार बस्ने ६१ बर्षिय यामबहादुर थापाको घरमा कोही नभएको मौका पारी घरको कोठाभित्रबाट नगद ६० हजार र स्यामसुङ कम्पनिको मोवाईल १ थान चोरी गरेपछि इलाका प्रहरी कार्यालय भिमादको टोलीले चोरीको सामान सहित पक्राउ गरेको हो ।
उनलाई शुक्रबार जिल्ला अदालतमा पेश गरि अनुसन्धानकोलागि ६ दिनको म्याद थप अनुमती लिई थप अनुसन्धान भईरहेको जिल्ला प्रहरी कार्यालयले जनाएको छ ।
