दमौली, मंसिर ११
म्याग्दे गाउँपालिकाले लम्पी स्किनबाट पशुको मृत्यु भएका कृषकलाई राहत उपलब्ध गराएको छ । व्यवसाय पुनस्थापना सहयोग कार्यक्रम अन्तर्गत सोमबार त्यस्ता कृषकहरुलाई सहयोग हस्तान्तरण गरिएको गाउँपालिकाले जनाएको छ ।
गत आर्थिक वर्षमा माहामारीको रुपमा फैलिएको लम्पि स्किन रोगबाट मृत्यु भएका ४० वटा गाई, भैसी गोरु र राँगा मध्ये बिमा नगरेका ३५ वटा पशुको राहत उपलब्ध गराईएको हो । गाउँपालिकाले प्रति पशुको १० हजार रुपैयाँको दरले राहत उपलब्ध गराएको गाउँपालिकाका पशु स्वास्थ्य सेवाका प्रमुख डा. विनयकुमार शाहले बताए ।
