देवघाट, मंसिर ३०
देवघाट स्थित महेश संस्कृत गुरुकुलका छात्र दिग्बिजय लामिछाने राष्ट्रव्यापी अन्तर माध्यमिक विद्यालय स्तरीय वक्तृत्वकला प्रतियोगितामा प्रथम भएका छन् ।
रिलायन्स साहित्य समाज बुढानीलकण्ठ काठमाडौंद्वारा आयोजित ‘महाकवि देवकोटाको प्रश्नोत्तर कविताबाट आजका मानिसले लिनुपर्ने प्रेरणा’ विषयक राष्ट्रव्यापी अन्तर माध्यमिक विद्यालयस्तरीय वक्तृत्वकला प्रतियोगितामा महेश सस्कृत गुरुकुलका कक्षा १२ का छात्र लामिछानेले प्रथम हुन सफल भएको गुरुकुलका प्राचार्य फणिन्द्रप्रसाद पौडेलले जानकारी दिए ।
सहभागीहरु मध्ये शुक्रबार पहिलो चरणबाट छनोट भएका ५ जना प्रतियोगी मध्ये शनिबार भएको विज्ञ सहितको अन्तिम प्रतिश्पर्धामा लामिछाने प्रथम हुन सफल भएका हुन् ।
सो प्रतियोगितामा काठमाडौँका नाम चलेका विद्यालयहरुको समेत सहभागिता थियो । प्रथम भएका लामिछानेले पुरस्कार स्वरुप नगद ५ हजार, प्रमाणपत्र र ट्रफी प्राप्त गरेका छन् ।
