घिरिङ, चैत २९
घिरिङ गाउँपालिकाको आयोजनामा क्षयरोग खोजपडताल (स्कृनिङ्ग) तथा रक्त चाप तथा सुगर परिक्षण शिविर संचालन हुनेभएको छ।
घिरिङ गाउँपालिका -४ सामुदायिक स्वास्थ्य इकाई गडौलिटारमा बैशाख ३ गते सोमबार बिहान १० बजे देखि ४ बजे सम्म शिविर संचालन रहने घिरिङ गाउँपालिकाले सुचना जारी गरेको छ।
उक्त शिविर बाट शंकास्पद क्षय रोगीको खकार जाँच गरिने, ४० बर्ष माथिका विरामीहरूको रक्तचाप र सुगर परिक्षण गरिने तथा स्वास्थ्य परामर्श प्रदान गरिने जस्ता सेवा हरू रहेको गाउँपालिकाका स्वास्थ्य शाखा प्रमुख कृष्ण रिमालले जानकारी दिए।
