कविराज श्रेष्ठ, दमौली असार २
नेकपा एमाले म्याग्देको अध्यक्षमा द्वारिकानाथ घिमिरे सर्वसम्मत चयन भएका छन् । अध्यक्षमा उम्मेदबारी दिएका ज्योतीकुमार श्रेष्ठले आइतबार उम्मेदबारी फिर्ता लिएपछि घिमिरे सर्वसम्मत भएका हुन् ।
गत शुक्रबार सुरु भएको गाउँ कमिटीको दोस्रो अधिवेशनमा अध्यक्ष पदमा घिमिरे र श्रेष्ठको उम्मेदवारी परेपछि सर्वसम्मती हुन सकेको थिएन । आइतबारसम्म सहमति नभए सोमबार निर्वाचन गर्ने निर्णय भएको थियो । घिमिरे पुर्व जिल्ला कमिटी सदस्य हुन् ।
अन्य पदहरुमा यस अघि नै सर्वसम्मती भएको छ । गाउँ कमिटीको उपाध्यक्षमा हरिकृष्ण श्रेष्ठ, सचिवमा सन्दिप रानाभाट, खुल्ला उपसचिवमा सन्तोष राना र महिला उप–सचिवमा सरस्वती घिमिरे निर्वाचित भएका छन् । अधिवेशनले ५१ सदस्यीय गाउँ कमिटी सर्वसम्मतीले निर्वाचित गरेको छ ।
