देवघाट, असार २
यसैविच नेकपा एमाले देवघाट गाउँ कमिटिको सचिवको चयनको लागि सोमबार निर्वाचन हुने भएको छ ।
गत जेठ २९ गते भएको गाउँ कमिटिको दोश्रो अधिवेशनबाट सचिव बाहेकका अन्य पदहरुमा सर्वसम्मती भएको थियो । सचिवमा गणेश थापा, शान श्रेष्ठ र विकास ढकालले उम्मेदबारी दिएका थिए । त्यस मध्ये थापाले आफ्नो उम्मेदबारी फिर्ता लिएका छन् ।
अधिवेशनको दिन सचिव पदमा सर्वसम्मती नभएपछि छलफलको लागि समय थप गरिएको थियो । आइतबार साँझसम्म पनि सचिवमा सर्वसम्मती नभएपछि सोमबार विहान १० बजेबाट कालिका सामुदायिक वनको कार्यालयमा निर्वाचन हुने भएको हो । श्रेष्ठ राष्ट्रिय युवा संघका पुर्व केन्द्रीय सदस्य हुन् भने ढकाल संघका देवघाट गाउँ कमिटिका पुर्व सचिव हुन् ।
अधिवेशनबाट देवघाट गाउँ कमिटिको अध्यक्षमा भिम गुरुङ, उपाध्यक्षमा भोजराज नैनावस्ती, खुल्ला उपसचिवमा हर्कबहादुर थापा र महिला उपसचिवमा सावित्री न्यौपाने सर्वसम्मत भएका छन् ।
