दमौली, असार २५
म्याग्दे गाउँपालिकाले ५० प्रतिशत अनुदानमा पशुपालन गर्ने कृषकहरुलाई उपकरण उपलब्ध गराएको छ ।
पशु सेवा उपशाखाको आर्थिक वर्ष २०८०÷८१ को वार्षिक स्वीकृत दिगो पशुपालन तथा कार्य यन्त्रीकरणको लागि यन्त्र तथा उपकरण ५० अनुदान कार्यक्रम अन्तर्गत ४१ जना कृषकहरू लाभन्वित भएको गाउँपालिकाका पशु सेवा शाखा प्रमुख डा.विनय शाहले जानकारी दिए ।
जसमा लागत मूल्य कायमपछि कृषक आफैले खरिद गरी ल्याएको ६४ वटा काउम्याट, १४ वटा च्याप कटर, नौवटा ब्रस कटर र चारवटा ग्रेन्डर मेसिन रहेको छ । उक्त ५० प्रतिशत अनुदान रकम सेवाग्राहीहरूलाई बैंकिङ प्रणाली मार्फत अनुगमन पश्चात भुक्तानी गरिसकिएको गाउँपालिकाले जनाएको छ ।
