दमौली, साउन ४
वन मुद्धामा आदालतबाट दोषी ठहर भई हालसम्म फरार रहेका ३ जनालाई तनहुँ प्रहरीले पक्राउ गरेको छ । पक्राउ पर्नेहरुमा शुक्लागण्डकी नगरपालिका ७ का ३३ बर्षिय सोम बहादुर नेपाली, सोही नगरपालिका वडा नम्बर ६ का २७ बर्षिय पदम विक र ३४ बर्षिय प्रेमबहादुर विक रहेका छन् ।
विना इजाजत वन पैदावर ओसार पोसार मुद्धामा तनहुँ जिल्ला अदालतबाट फैसला पश्चात दोषी ठहर भई हालसम्म फरार रहेका उनीहरुको खोजतलास गर्ने ममा साउन ३ गते शुक्लागण्डकी नगरपालिका वडा नम्बर ६ र ७ स्थित आ आफ्नै घरमा लुकिछिपी बस्दै आएको अवस्थामा फेला परेको हुँदा उनीहरुलाई तोकिएको कैद जरिवाना मध्ये जनही १ दिन कैद र पाँच हजार रुपैया जरिवाना भुक्तानको लागी तनहुँ जिल्ला अदालतमा उपस्थित गराइएको जिल्ला प्रहरी कार्यालय तनहुँले जनाएको छ । ।
