दमौली, साउन ९
म्याग्दे गाउँपालिकाको टोलीले संघीय सरकारका मन्त्रीहरुसँग भेट गरि म्याग्दे गाउँपालिकाको विभिन्न विकास योजनाको लागि आवश्यक बजेट विनियोजन गर्न माग गरेका छन ।
गाउँपालिकाका अध्यक्ष श्रीप्रसाद श्रेष्ठको नेतृत्वको टोलीले मंगलबार सरकारका मन्त्रीहरुलाई भेट गरि म्याग्दे गाउँपालिकाको विभिन्न योजनाहरुमा आवश्यक बजेट उपलब्ध गराउन माग गरेका हुन् ।
म्याग्दे गाउँपालिकाको टोलीले सुचना तथा सन्चार प्रविधि मन्त्री पृथ्वीसुब्बा गुरुङ, भौतीक पुर्वाधार मन्त्री देवेन्द्र दाहाल, शिक्षा तथा विज्ञान प्रविधि मन्त्री विद्या भट्टराई सँग पनि भेट गरि म्याग्दे गाउँपालिकाको विकास निर्माणको लागि आवश्यक बजेटको व्यवस्थापनको लागि पनि अनुरोध गरेका थिए ।
सो क्रममा वडा नम्बर १ का अध्यक्ष तथा गाउँपालिकाका प्रवक्ता मणिभद्र वाग्ले, वडा नम्बर ३ का अध्यक्ष टुकराज अधिकारी, वडा नम्बर ७ का अध्यक्ष बसन्तकुमार श्रेष्ठ तथा वडा सदस्य सुनिता नेपालीको पनि सहभागिता रहेको थियो ।
सो क्रममा नेकपा एमाले केन्द्रीय सदस्य एवं राष्ट्रिय सभामा सत्तापक्षका मुख्य सचेतक भगवती न्यौपाने, जिल्ला कमिटिका अध्यक्ष हरिराज कडेंल, उपाध्यक्ष राजेश्वर ढकाल, सचिव प्रदिपराज अधिकारी, उपसचिव खिम कुमाल लगायतका नेताहरुको पनि उपस्थिती रहेको थियो ।
