दमौली, साउन १५
भिमाद नगरपालिकाको आगामी आर्थिक वर्षको स्विकृत बार्षिक नीति कार्यक्रम र बजेट (वार्षिक नगर विकास आयोजना) सार्वजानिक गरिएको छ ।
मंगलबार नगरपालिकाको सभाहलमा आयोजना गरिएको कार्यक्रममा गन्डकी प्रदेश सभाका सांसद जितप्रकाश आलेको प्रमुख आतिथ्यतामा नगरपालिकाको १७ औं नगरसभाबाट पारित भएको उक्त नीति तथा कार्यक्रम र बजेट पुस्तिका सार्वजानिक गरिएको हो ।
सो अवसरमा बोल्दै प्रदेश सभाका सांसद आलेले तिन तहको सरकार विच समन्वय गरेर काम गर्नुपर्नेमा बताए । उनले भिमाद नगरपालिकाको विकासकोलागि आफ्नो तर्फबाट सक्दो प्रयत्न गर्ने बताए ।
भिमाद नगरपालिकाका प्रमुख दधिराज सुवेदीको अध्यक्षतामा आयोजित कार्यक्रममा उपप्रमुख शारदा खनाल, प्रमुख प्रशासकीय अधिकृत मोहन प्रसाद मरासिनी लगायतले मन्तव्य राखेका थिए ।
भिमाद नगरपालिकाको नगरसभाले आगामी आर्थिक वर्षको लागि ५९ करोड २२ लाख १४ हजार रुपैयाँको अनुमानित बजेट स्विकृत गरेको छ । सोमबार भएको नगरसभामा नगर उपप्रमुख शारदा खनालले सो बजेट प्रस्तुत गरेकी थिईन् । उक्त बजेट मध्ये चालु तर्फ ६९.५९ प्रतिशत र पुँजिगत तर्फ ३०.४१ प्रतिशत बजेट विनियोजन गरिएको छ ।
