चितवन, भदौ २७

चितवनमा बाँदर धपाउने क्रममा भरुवा बन्दुक पड्केर एक युवक घाईते भएका छन् । खेतमा मास खाइरहेको बाँदर धपाउन गएका भरतपुर महानगरपालिका–२९ का २३ वर्षिय पासाङ भुजेल बन्दुक पड्केर घाईते भएका हुन् ।

बुधबार साँझ पाँच बजे बाँदर धपाउने क्रममा चिप्लेर लड्न पुग्दा आफुले बोकेको बन्दुक पड्किन पुगेको प्रहरीले जानकारी दिएको छ । घाइते भएका भुजेलको शरिरको विभिन्न भागमा छर्रा रहेका छन् । उनको उपचार नयाँ मेडिकल कलेज भरतपुरमा भइरहेको छ ।